Салтак ывăлне
«Кунçул, тăванăм, пирĕн питсенче
тĕренпелех-ши касăсем хăварнă?» —
тесе супсан та тĕкĕр умĕнче,
пĕтĕмлетӳ туни пĕрре те чармĕ.
Çĕр халиччен курман ĕç-хĕлĕпе
Ӳсет-и çын? Ку пархатарлă тăсăм
Ан чарăнтăр тесе, çĕн ĕмĕтпе
çĕклет пире кунçулăн çирĕп ăсĕ.
Анчах салтак вăл юлнă салтаках:
ӳксен те санăн чĕрӳнте вăл тăрĕ.
Вăранĕ вилĕм ыйхинчен татах:
çĕршыв тăшманĕ сехĕрленĕ, хăрĕ.
Сан умăн утĕ улăп ĕмĕлке,
вăрман та, хир те тăвăл евĕр кĕрлĕ.
Вăл — пуля витĕр тухнă кĕлетке —
хура вăя пĕр шит юлмасăр йĕрлĕ.
Ас-хакăлпа чун витĕр вăл утать,
ăс-хакăлпа чун витĕр — унăн çулĕ.
Çапла, тăванăм, пурнăç тăсăлать,
çапла, тăванăм, вилĕмсĕрлĕх юлĕ.
Салтак утать!
Вăл хăйĕн тивĕçне
пурнăçласа утать килес кунсемшĕн.
Историшĕн утать вăл.
Ывăлне
хавхалану кӳрен çурхи хĕвелшĕн.
Ку тивĕç — йывăр.
Хăв çине ăна
илсе, тупасшăн эсĕ чăн хăюлăх.
Кунçул çеç тĕплĕн тĕрĕслĕ сана —
хална тӳсĕмлĕхре пĕлесшĕн пулĕ.
Çĕр ешерет-и, вĕçтерет-и юр,
ача-пăча вылять-и — ĕнтĕ кур эс! —
Аçу чĕрех! Салтак вилмест. Вăл пур!
Ун пурнăçĕ — вăл хăй сыхланă пурнăç.
Ăна манмасть нихçан та тăван ен,
апла пулсан, ан ирттĕр пурнăç мелсĕр.
Пĕр шухăш пур çапах та çĕр-аннен:
этемлĕхе курасшăн вăл шинельсĕр.
Шухăшсем
Use AI to build a website by just enteri...
Get more leads for your chuvash...
Working to energize your website ...
Ever thought how chuvash...
Looking to boost your website tra...
Get more leads for your chuvash...
Dealing with low website traffic ...
Use AI to build a website by just enteri...
Needing to lift your website traf...
Imagine if chuvash...