Матрӳшке чейĕ
Утă вăхăчĕ. Кун янкăр,
Саплăксăр сенкер тӳпе.
Янраса тăрать уçланкă
Çавасем чашлатнипе.
Хурăн тăршшĕпе чупаççĕ
Кăткăсем ик çулпала.
Сĕм вăрманăн тимĕрç лаçĕ,
Янратать, ав, сунтала.
Матрӳшке пиçсе вĕрерĕ —
Вăрманти чи тутлă чей.
Пылласа ларса ĕçер-и
Пĕтĕм кăмăл туличчен!
Ĕшенсе канма выртсассăн,
Илтĕн çĕр сывланине.
Çăлтăр çумăр пек çăвассăн
Туйăнĕ вăрман çине.
Милĕкпе эс улăштарăн
Минтере те тӳшеке.
Матрӳшке каллех тултарăн
Тĕтĕмленнĕ чейнике.
Шухăшсем
Attract additional leads for your chuvas...
Boost your Chuvash website’s traffic wit...
Is your Chuvash website missing out on l...
Цикори çинчен ытларах пĕлесшĕннччĕ ...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...
Мана питĕ килĕшрĕ...