Паллаймарăм ун чух эп ăна...

Любовь Мартьянова | Сăвă | пăлан | 593


Паллаймарăм ун чух эп ăна...

 

Вăл ун чух —

Ĕмĕт-кайăк —

Хĕп-хĕрлĕ çырлаччĕ.

Йĕкĕлтетчĕ:

«Çырла эп, çырла,

Татса ил-ха пĕр ывăç

Касиччен çут çурла».

 

Каярах

Ĕмĕт-кайăк —

Йăрăс пӳллĕ те шухă пăланччĕ.

Илĕртетчĕ:

«Пăлану эп сан,

Эп — пăлан,

Хăвала, тытса чар

Пултаратăн пулсан».

 

Е тата каярах

Ĕмĕт-каăăк —

Çутă уйăхăн çутă çутиччĕ.

Ӳкĕтлетчĕ:

«Çул çути эпĕ сан,

Кун çути,

Утăмла,

Усси çук

Кирлинчен ытларах шутласан...

 

Паллаймарăм ун чух эп ăна...

 

Ак, паян...

Шупка уйăхăн тĕссĕр çути...

Шух пăлан...

Ешĕл курăк çинче

Шух пăлан пусса иртнĕ хĕп-хĕрле çырла...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: