Çыру сĕтелĕ хушшине ларсассăн...
Çыру сĕтелĕ хушшине ларсассăн —
перо йывăрăшне туйса-ши? —
ал сасартăк усăнать, сывлатăп ассăн:
салхулăхпа пăркăчланать ăс-хал.
Чӳречерен вĕçсе ӳкет сар çулçă,
çӳрет халь авăн уйăхĕ уйра.
Хĕвел кулсан, пĕрех ăс-кăмăл уçă:
хавхаланса ташлатăп пек туйра.
Самант — шăлса каять кичемлĕх çилĕ
хĕвел шевлиллĕ туйăма татах.
Сĕтел çине эп ӳпĕнетĕп çиллĕн,
ятна пăшăлтатса калать тута.
Санпа эп калаçма шыратăп мел,
чĕре пăрне ирĕлтерен хĕвел!
Шухăшсем
Is your website chuvash...
Ready to drive your website succe...
Is your website chuvash...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...
Мана питĕ килĕшрĕ...
Пĕтĕм пурнăç çак сăвăра теме пулать...