Чун-чĕре вунçиччĕре

Çирĕмре çиçетчĕ çиçĕм

Ӳт-тирте те чĕрере.

Пулнине пĕлменччĕ çирĕм

Пĕрре çеç çак тĕнчере.

Вăтăрта кăна вĕт паллă,

Пурăнсассăн пурнăçа,

Тарнă пирĕнтен ачалăх,

Юлнă курăнми хыçа.

Хĕрĕхре те-ха хĕрӳлĕх

Хĕрнĕ тимĕр евĕрех.

Вăрăм çул пилленĕ пӳлĕх

Пурнăç панă тĕнчере.

Аллăран каçсан ачалăх,

Шавлă яшлăх – тĕлĕкре,

Пирĕн йыш – туптаннă халăх –

Пиçсе ӳснĕ пĕчĕкрен.

Çĕнĕ комментари хуш