Тĕлĕнтермĕш чĕрчун

Мулкач вĕçет тет, кайăксем тытса çиет тет. Пĕррехинче пĕр кайăка курчĕ те çăтса яма хатĕрленчĕ.

— Çиессе çийĕн те, малтан мăнтăрлат, — терĕ кайăк. Кунĕ-кунĕпе çăкăр, тырă, хурт-кăпшанкă, шыв йăтма тытăнчĕ мулкач.

— Халĕ сана çиме юрать-и? — ыйтать темиçе эрне иртсен.

— Çук-ха, халь мунча кĕрт.

— Юрĕ.

Мунчи вĕри пулнă. Кайăкĕ мулкача вĕри шывпа сапрĕ те,

— Ак сана кайăксем çинĕшĕн! — терĕ.

Мулкачĕ тухрĕ-тарчĕ.

Шăпах çавăнтанпа мулкач кайăксем тытма пăрахрĕ тет, курăк çиме тытăнчĕ тет.

Çĕнĕ комментари хуш