Хĕрлĕ-хĕрлĕ, хĕрлĕ мăкăньсем...
Хĕрлĕ-хĕрлĕ, хĕрлĕ мăкăньсем,
Виçĕм çул чечеклĕн чĕрĕлнисем.
Çил çилленчĕ, çил вĕçтерччĕ-çке сире,
Хăйăр хĕртрĕ çеп-çемçе çĕре.
Чĕлтĕрти çеçкеллĕ мăкăньсем,
Виçĕм çул чечеклĕн чĕрĕлнисем!
Эпĕ — сирĕн хуçăр — инçетре
Выçăхса сĕтĕрĕнсе çӳреп,
Хĕрлĕ-хĕрлĕ мăкăньсене асăнса,
Хĕрлĕ мăкăньсемшĕн хуйхăрса.
Йĕлпер хĕрлĕ тăрлă мăкăньсем,
Виçĕм çул чечеклĕн чĕрĕлнисем,
Çут хĕвеллĕ кăнтăрла ăшши
Каллех çавăрăнса килĕ-ши?
Симĕс çитлĕ çимĕç пахчара
Кĕтсе илейĕр-ши хуçăра?
Хĕрлĕ-хĕрлĕ, хĕрлĕ мăкăньсем,
Виçĕм çул чечеклĕн чĕрĕлнисем,
Çил çилленчĕ, çил вĕçтерччĕ-çке сире, —
Хуçăр выçă çӳрет инçетре.
Шухăшсем
Is your website chuvash...
Ready to drive your website succe...
Is your website chuvash...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...
Мана питĕ килĕшрĕ...
Пĕтĕм пурнăç çак сăвăра теме пулать...