Вĕлле хурчĕ...

Вĕлле хурчĕ, ылтăн хурт,

Мĕншĕн эсĕ нăрлатăн?

Сарă чечек тăрринче

Çавăрăнса çӳретĕн?

Сарă чечек тăррине

Пыллă карас терĕн-им?

Шанса каяс илемне

Çутă сывлăм терĕн-им?

Ах, шухăшăм, шухăшăм!

Мĕншĕн эсĕ пăтранан?

Сарă хитре хĕрĕшĕн

Мĕншĕн ăша çунтаран?

Сарă хĕрĕн илемне

Хĕвел çутти терĕн-им?

Вĕлле хурчĕ, ылтăн хурт,

Шав нăрлатать, çаврăнать —

Ман ăшра та çавăн пек

Тĕрлĕ шухăш пăтранать,

Хитре сарă хĕрĕшĕн

Çамрăк ăша çунтарать...

Çĕнĕ комментари хуш