И мĕн пуян...

Митта Ваçлейĕ | Сăвă


И мĕн пуян, тăванăм?

Сывлăх пуян.

Сывлăх çул памасăр çта каян?

 

И мĕн пуян, тăванăм?

Туслăх пуян.

Пин ылтăн мар, пин тус эс туян.

 

И мĕн пуян, тăванăм?

Халăх пуян.

Унсăр пуçне кама пуç таян?

 

Эс те пуян, тăванăм,

Эп те пуян:

Пуçăмăрта сывлăх пур паян.

 

Сывă пулар, тăванăм,

Туслă пулар,

Халăх ирĕкĕнчен ан тухар.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: