Электронлă вулавăш

Юхма Мишши — чăваш çыравçи, сăвăçи, драматургĕ. 1936 çулхи акан 10-мĕшĕнче Чăваш Енĕн Патăрьел районĕнчи Сăкăтра çуралса ӳснĕ.

Патăрьелĕнчи вăтам шкулта, Чăваш патшалăх педагогика институтĕнче пĕлӳ пухнă. Шкулта ачасене вĕрентнĕ, пĕр хушă Чăваш кĕнеке издательствинче редакторта ĕçленĕ.

Паллăрах кĕнекисем: «Çăлтăрсем чĕнеççĕ» (1965), «Мускав çулĕ» (1966), «Эльпи чечекĕсем» (1969), «Кăвак çĕмрен» (1971), «Еткер» (1986), «Термен» (1990), «Анне çăкăрĕ» (1991), «Атте пахчи» (1992), «Авалхи чăвашсем» (1996).

Юлашки çулсенче çыравçă «Хуркайăк çулĕ» ятлă историллĕ романсен ярăмпа ĕçлет.