Гурий Чаржов

Гурий Гурьевич Чаржов 1940 çулхи çĕртмен 25-мĕшĕнче Комсомольски районĕнчи Йăлмахва ялĕнче çуралнă. Комсомольски вăтам шкулĕнче, СССР Писателĕсен союзĕ çумĕнчи М.Горький ячĕллĕ Литература институтĕнче пĕлӳ илнĕ. Пĕр тапхăр çурт-йĕр тунă çĕрте ĕçленĕ, Чăваш Республикин Министрсен Совечĕ çумĕнчи Радиопа телевидени комитечĕн корреспонденчĕ пулнă, Шупашкар райхаçатĕнче вăй хунă, чылай вăхăт Чăваш кĕнеке издательствинче кĕнекесем редакциленĕ.

Унăн паллăрах кĕнекисем: «Вĕçев» (1974), «Тымар» (1978), «Вăхăт шăнкăравĕ» (1987).

Г.Чаржов 1979 çултанпа СССР Писателĕсен союзĕн членĕ.

Поэт сăввисемпе чăваш композиторĕсем сахал мар юрă хывнă. Вăл тĕрлĕ халăх сăвăçисен хайлавĕсене чăвашла куçарас енĕпе те хастар ĕçлет.