Электронлă вулавăш

Геннадий Германович Кабаков Вăрмар тăрăхĕнчи Тикаш ялĕнче 1947 çулхи çĕртмен 13-мĕшĕнче çуралнă. Хусан университетĕнче юрист профессине алла илнĕ. Унччен малтан Совет çарĕнче В.И. Чапаев ячĕллĕ дивизире хĕсметре пулнă.

Вăл — приключени-детектив жанрĕпе тухăçлă çыракан автор. Йĕркелĕх хуралĕнче тăракансен пархатарлă ĕçĕ-хĕлне халалласа, хăй те пĕтĕм пурнăçне шалти ĕçсен органĕсенче ирттернĕскер (следователь, аслă следователь, пай пуçлăхĕ пулнă, хальхи вăхăтра отставкăри юстици подполковникĕ), чылай повесть, калав, очерк кăларнă. Паллăрах кăнекисем: «Ют юн» (1981), «Шанчăк пĕтмен» (2004), «Шакал йĕрĕпе» (2009). Вырăсла çырнисем те пур: «Тегешево — далекое и близкое» (2001), «Корни и ветви старого дуба» (2008), «Врата ко всем путям земным» (2009).